A posibilidade de que as obras no río Cabe afecten á ponte vella mobiliza o equipo de goberno de Monforte que esixe a intervención de Patrimonio

O alcalde de Monforte dirixiuse formalmente á Comisión do Patrimonio Histórico-Artístico da Xunta pedindo a súa intervención para evitar que as obras de reforma das marxes urbanas do río afecten, visual e fisicamente, á ponte vella. O equipo de goberno monfortino pediralle anteriormente ao organismo promotor da obra, a Confederación Hidrográfica del Norte, a modificación do proxecto pero este rexeitou facer modificacións. Ante a preocupación de moitos monfortinos polo estado e a posible deterioración desta construcción de finais do século XVI, o alcalde enviou un escrito a Patrimonio esixíndolle a súa intervención en virtude “das facultades que a lexislación vixente lle confire” para que “non atenten contra un monumento que todos temos a obriga de defender”. O viaducto obtivo en 1991 a declaración de Ben de Interese Cultural.

Máis información en La Voz de Galicia e na edición de hoxe de La Región