Dúas homenaxes rememoran a figura de Isaac Díaz Pardo

O seu sétimo cabodano e o Día da Galeguidade Empresarial reivindican o legado do fundador de Sargadelos

Este domingo 13 de xaneiro o cemiterio Compostelán de Boisaca acollerá unha homenaxe a Isaac Díaz Pardo a coincidir do seu sétimo cabodano. O encontro, organizado pola Academia Real Isaac Díaz Pardo, inclúe unha procesión cívica ata a tumba do histórico galeguista, recitado de poemas, unha ofrenda floral e música de gaitas a cargo de Os Catro de Vigo. No evento intervirán Perfecto Conde, Gregorio Ferreiro Fente, Manuel Lourenzo e Carlos Núñez e recitarán Marilar Aleixandre, Xesús Alonso Montero, Sabela Hermida Mondelo, María Xosé Queizán, Manuel Landeira e Mauel Ucha, con intervencións musicais de Bea a de Estrela. Os textos lidos na xornada de homenaxe publicaranse nun opúsculo.


En paralelo, O Foro Henrique Peinador escolleu o fundador de Sargadelos como protagonista do Día da Galeguidade Empresarial. A xornada, que se desenvolverá o vindeiro día 26 homenaxeará a Día Pardo coa inauguración dun busto da súa figura ante a Facultade de Belas Artes de Pontevedra. J. Molares asina esta peza que se desenvolveu co apoio do concello e da Escola de Canteiros da Deputación e mais a colaboración da Secretaría Xeral de Política Lingüística.
Programa da homenaxe polo o sétimo cabodano de Isaac Díaz Pardo.