Poemas, pinchos, fútbol, música e moito máis son os elementos presentes nos conxuntos e subconxuntos de Anxos Sumai e nos que ela mesma é elemento común a todos eles. En Anxos... da garda a escritora trae de novo a súa particular ollada e interpretación da vida que ocorre ao redor. Sempre coa súa sensibilidade, sempre coa literatura de garda. O encrucillado de Paulino Novo lévanos nun percorrido de palabras desde o Everest ata a antiga Roma pasando por outros moitos sitios, historias e situacións.