Proxectos e autores galegos optan aos premios Carlos Giménez de banda deseñada

A segunda edición dos Premios Carlos Giménez, que se entregan anualmente na Heroes Comic Con de Madrid, conta cunha importante presenza galega. Así, a publicación coruñesa Altar Mutante opta ao premio ao mellor fanzine, mentres o autor vigués Fernando Llor pode se facer o galardón ao Mellor Guionista Nacional por El Espíritu del Escorpión. A obra ademais, pode se facer cos premios á Mellor Portada, Mellor Entintador, Mellor Autor Revelación e Mellor Obra Nacional. O ourensán David Rubín, pola súa banda, é candidato ao premio ao mellor colorista polo seu traballo en Sherlock Frankenstein y la legión del mal mentres que o volume Black Hammer 2, no que tamén participa canda a Jeff Lemire e Dean Ormston, é candidata aos premios á Mellor Guionista Internacional e Mellor Obra Internacional. O premios entregaranse esta tarde nun acto que se desenvolve no marco desta convención de banda deseñada.