Fotografía do arquivo familia de María Victoria Moreno
O web da Real Academia Galega fixo lanzou esta semana unha publicación na que se compilan os fondos da Agrupación Cultural O Facho vencellados con María Victoria Moreno, a quen se lle dedicou este ano o Día das Letras Galegas. Cartas manuscritas, mecanoscritos de relatos ou artigos publicados en prensa preséntanse dixitalizados e accesibles ao público. Este fondo amosa o "seu coñecemento da realidade sociolingüística do momento e das dificultades que sufría, como tantas escritoras, para conciliar a vida familiar coa escrita e o activismo cultural" e a súa preocupación por problemáticas como a diglosia, "a permeabilización" do galego por parte do castelán, o papel de axentes como a escola, a igrexa, a administración e os medios de comunicación e mesmo a "responsabilidade da muller" na transmisión interxeracional do idioma galego.
