Quiosco: Cuadrante, 35

A pegada catalá en Arousa e

A Fundación Granell, en Santiago de Compostela, acollía onte a presentación pública do número 35 da revista Cuadrante, que edita a Asociación de Amigos de Valle-Inclán. A entrega recolle achegas de Amparo Latorre e José M. Paz Gago directores científicos do simposio Valle-Inclán, misticismo, realismo y realidad, sobre as adaptacións operísticas do autor e reflexións sobre a súa estética. Canda a eles, Alicia Padín Buceta afonda nas raíces do autor, Ricard Cantano i Carballo aborda o renacemento catalán do século XVIII mentres Joan Ballart Clos fala das familias Goday e Llauger, con grande pegada na vila orixinaria de Valle-Inclán. A entrega está dispoñible no web da asociación editora.