O uso de Internet medrou no último ano en Galicia un 6,4% con respecto ao periodo anterior analizado, o cal supón un incremento máis grande ca no resto do Estado, no que subiu un 5%. Pero o dato máis chamativo é que o principal ascenso está no tramo de idade dos 65 ao 74 anos, nos que o emprego de Internet chegou a medrar un 45% con respecto ao ano anterior. Os datos tamén revelan un crecemento do comercio electrónico en Galicia (un 5,6% máis que o ano anterior).
