Co tempo de lecer moitos viaxan dun lado a outro, deixando atrás os problemas cotiáns e as preocupacións. Pero aínda que marches lonxe busca un momento para conectarte a Culturagalega.org porque na fin de semana poderás seguir a ler eses sete apuntamentos semanais que fai a escritora Anxos Sumai, sete pílulas impregnadas do acontecer interno e externo nunha persoa coa sensibilidade no pel e a escritura como medio de comunicación. Unha nova entrega de Anxos...de garda, o artigo que cada semana atrae máis lectores creando xa ao seu redor unha lexión de seguidores fieis. E como os días de lecer son moitos e poida que o tempo meteorolóxico non acompañe en todas partes do mesmo xeito, ofrecemos dúas entregas dos nosos encrucillados nunha soa edición. Duplo contido polo mesmo prezo: de balde.