O Café Moderno de Pontevedra acolle ás oito da tarde de hoxe o acto de entrega dos premios de xornalismo Julio Camba e Fernández del Riego. Tamara Montero recollerá o XIII Premio de Xornalismo Fernández del Riego que obtivo co seu artigo titulado Botóns escuros, que se publicou en La Voz de Galicia. Pola súa banda, Ramón Loureiro participará no mesmo acto para recibir o XXXVII Premio de Xornalismo Julio Camba, no que se impuxo con Sombra y aire, texto aparecido no mesmo medio. Os galardóns están convocados pola Fundación Galicia Obra Social e o Ámbito Cultural de El Corte Inglés.