Pontevedra prepara novas edicións do Galegote Rock e de Surfing the Lérez

Narf, Caxade, Os Amigos dos Músicos, Leo I Arremecághona, Superoito ou os portugueses The Bird Are Indie e A Jigsaw son algúns dos nomes que visitarán Pontevedra para a cuarta edición do Galegote Rock. Diferentes locais da cidade acollerán entre o 13 e o 16 de maio os concertos deste festival que se centra na música na nosa lingua. En paralelo, medra o alcance do Surfing the Lérez, que pasará a durar dous días. Os días 17 e 18 de xuño a Illa das Esculturas acollerá as actuacións de Igloo, Jhonander, The Phantom Dragsters, Agoraphobia, Novedades Carminha, Querido Extraño, Thee Blind Crows ou Samesugas entre outros.