Alumnos de Belas Artes dan a coñecer os seus traballos no web Espazo 23

Un grupo de estudantes da Facultade de Belas Artes de Pontevedra acaba de presentar Espazo 23. Esta web, que quere servir como espazo de presentacións para os traballos de novos creadores do país, xorde da colaboración de Ana Pérez, Dana Troiteiro, Bea Gregores, Arze, Miriam Iglesias, Nerea Castro e Nuria Carbó. Nas súas primeiras semanas en funcionamento, Espazo 23 recolleu proxectos de diferentes alumnos e titulados como Alba Fandiño, Carlos Aldao, Mónica Bastón ou Carlos Aldao, así como entrevistas e outros contidos. Segundo os promotores da web, a intención é que o proxecto evolúa cara a contidos máis experimentais a contar coa colaboración de máis estudantes.