Sérgio Tannus continúa coa música para os máis novos con Alegría!

Trece cancións e mais un conto, con ilustracións de Luís Baralla, compoñen o último traballo de Sérgio Tannus. O canto "brasilego", como el mesmo se define, debuta como escritor no último lanzamento de Galaxia coa colección Sonárbore. Alegría! conta a historia de Allegra, un bichiño que busca mellorar o seu estado de ánimo. Unha viaxe e o encontro con novos amigos axudaranlle a mudar a súa perspectiva sobre a vida. Temas optimistas, na liña do traballo que o autor xa amosou en obras como María Fumaça, compoñen o proxecto. O Festigal acollerá, o vindeiro 25 de xullo, a presentación do álbum en Compostela.