Na estratexia vital de compensar os medos con alegrías descóbrese Anxos Sumai como unha hábil xenerala das súas tropas íntimas de amizades, escritores, músicas e espacios, porque xa dá guerra dabondo a vida. Cada semana Anxos lanza ás súas mesnadas ao encontro da vida e dos resultados desta contenda tira sete conclusións que plasma neste caderno de "Anxos.. de garda". Dalgún xeito tamén pacífico o Encrucillado de Paulino Novo lévanos por todo o mundo coas súas preguntas de definicións, nunha viaxe por todo o globo en menos de corenta palabras.