Catro galegos exhiben os seus traballos no Museo do Traxe de Madrid

Son traballos realizados no marco do seu mestrado de Deseño en Pel no Centro Superior de Deseño de Moda de Madrid ao que chegaron grazas ao apoio da Fundación Centro Galego da Artesanía e do Deseño. Os creadores son coñecidos artesáns que levan anos traballando a pel como son Elena Ferro Lamela, de Vila de Cruces, os tudenses Naín Rodríguez Alonso e Isaac Romero Esteras mais o estradense Mario Rodríguez Oca. Como resultado dese traballo, as súas creacións pódense ver ata durante esta semana no Museo do Traxe de Madrid.