Avión, a aldea ausente, Con etiqueta, Outras voces ou Arraianos son algúns dos filmes galegos que se poderán ver na VIII Mostra de Cinema Etnográfico. O Museo do Pobo acolle entre o 4 e o 14 de xuño as sesións deste encontro, único no seu xénero en Galicia, no que tamén estarán presentes producións internacionais como a brasileira Triste Trópico, a catalá Espui ou a italiana An Anthropological Television Myth. Ademais, no encontro presentarase o Proxecto Socheo e mais o fondo do Ministerio de Agricultura que custodia o CGAI.
