Ourense acollerá o TEDxGalicia 2012

O Parque Tecnolóxico de Galicia-Tecnópole na Cidade das Burgas acollerá o vindeiro 30 de novembro o encontro TEDxGalicia 2012. A partir do leme E se...?, os dezaseis participantes no evento amosarán o xeito no que enfrontan as dificultaes nas súas respectivas disciplinas mediante charlas de 18 minutos. O evento contará coa presenza de profesionais como o cirurxián Diego González Rivas, a bailarina Silvia Montes, o divulgador Jorge Mira ou o violonchelista Carlos García entre outros. Os vídeos das intervencións poderán consultarse, como é habitual, na rede. Os interesados en asistir ao vivo teñen aberto o prazo de inscrición.