Hoxe pola tarde dá comezo no centro sociocultural Ágora da Coruña o evento Coruña Mayúscula, que os seus organizadores definen como "un punto de encontro para os creadores, un escaparate para os consumidores de palabras e un espazo de intercambio de experiencias". Entre a tarde do martes 20 de marzo e mañá 21 (Día Mundial da Poesía), o novo centro cultural coruñés Ágora acollerá obradoiros literarios, recitais, mesas redondas e conferencias. Entre os participantes, estarán guionistas como Ángel de la Cruz, poetas como Luis García Montero ou Xavier Seoane ou filósofas como Chantal Maillard, entre outros moitos.
