Editado orixinalmente en 1994, o volume 5 da colección As nosas voces do Arquivo Sonoro de Galicia do Consello da Cultura Galega recolle a voz do galeguista Manuel Meilán, quen espallou a través da radio e noutros medios a cultura galega no Uruguai. Entre os fondos que posuía o galeguista Segundo Pampillón, o Arquivo Sonoro de Galicia fixo unha escolma de textos e voces de Meilán e outros colaboradores nos programas de cultura galega do Montevideo nos anos 50.
