Capa de Atenea 42
Un especial dedicado á poesía visual é a proposta que fai o Ateneo de Ferrol na última entrega da súa revista Atenea. O número 42 desta publicación trimestral conta cunha ampla mostra de creacións deste tipo, amosando colaboracións de autores coma Agustín Calvo Galán, Alfonso Rodríguez, Ana González Moro ou Baldo Ramos entre outros. A publicación, cunha tiraxe de mil exemplares, distribúese de balde por bibliotecas, centros de ensino e entidades culturais, e está dispoñible de xeito íntegro na rede.
