Danos para as persoas (pola falta de seguridade) e para o propio monumento natural (deterioro polo paso incontrolado). A situación e organización actual das visitas á Praia das Catedrais ten consecuencias negativas para este enclave declarado monumento natural e incluído na Rede Natura. A Xunta encargou a principios de verán unha investigación a través do Instituto da Biodiversidade Agraria e Desenvolvemento Rural (Ibader) que indica danos para este espazo polo número e falta de control de visitantes a este espazo. Unha das primeiras conclusións deste estudo incide na necesidade de organizar percorridos.
