Coa remuda do goberno municipal en Compostela, muda tamén a dirección do Auditorio de Galicia. Segundo adianta hoxe El Correo Gallego, Víctor Carou, ata o de agora responsable do festival Via Stellae, será o novo encargado deste espazo. O nomeamento no será efectivo ata o vindeiro mes de setembro, pretende, segundo recolle o xornal, relanzar a actividade do auditorio e incrementar o vencello da cidadanía coa entidade. Entre outras cuestións, preténdese incrementar o número de aboados, así como ampliar a axenda musical vencellada ao recinto.
