Onte falabamos da pugna entre Xerais e Galaxia por editar as obras completas de Avilés de Tarmancos, o vindeiro homenaxeado no día das letras galegas. Pois resulta que hoxe se sabe que ese labor non o fará ningunha das dúas editoriais, e que será Espiral Maior a encargada de publicar toda a poesía completa do escritor. De feito, foi o propio Avilés quen lle pediu a Fernán Vello, director da editorial, que se encargase dese traballo. Algo que incluirán na colección “Ópera Omnia” e que se prevé que estea nas librerías os días previos ó Día das Letras Galegas.
Máis información en El Correo Gallego
