Hoxe arrincan as aulas de Infantil e Primaria do curso académico 2010-2011. Un curso que contará con 10.400 alumnos máis de infantil que hai dez anos, tal e como conta Faro de Vigo. Se o incremento do número de alumnos na última década foi do 20%, en primaria a tendencia foi a inversa e nesta última década houbo 5.000 matriculacións menos. Este mesmo medio asegura que o 70% dos alumnos estuda en centros públicos, o 2% en privados e o 28.5% en concertados. Pola súa banda, neste curso estréase a figura de centros plurilingües, ao que se acolleron 52 entre colexios e institutos (29 son públicos e o resto concertados).
