Os VII Diálogos de Mariñán exploran as fronteiras da creación artística

Escritores das distintas literaturas ibéricas daranse cita nos VII Diálogos Literarios de Mariñán, coordinados por Román Raña, que se celebran no Pazo de Mariñán (Bergondo, A Coruña) entre o 1 e o 3 de xuño de 2010. Nesta edición, os Diálogos procurarán explorar as fronteiras entre as artes: pintura e poesía, texto e vida, prosa e poesía ou palabra lida e palabra recitada. Autoras como Begoña Caamaño, Xabier Quiroga, Baldo Ramos, Valter Hugo Mäe, Jon Kortazar, Antonio Altarriba, Miguel-Anxo Murado, Harkatiz Cano, José Luis García Martín, Francesc Parcerisas e Miguel Anxo Fernán Vello presentan a súa visión da fronteira artística.