Cando o jazz era practicamente un descoñecido no noso país, a Fundación Barrié apostou por crear un ciclo para dalo a coñecer e fomentar unha programación estable. Quince anos despois, e cun panorama ben diferente con seminarios, locais específicos e músicos galegos de recoñecido prestixio, a Fundación Barrié celebra a súa aposta cunha programación especial. Con motivo da celebración, a Barrié organizará dez concertos cos que convida a percorrer a historia do jazz nas súas catro grandes épocas. Ademais, como novidade, Santiago e Ferrol incorpóranse ao ciclo que se desenvolve na Coruña e Vigo. A cita co jazz terá lugar entre o 10 de abril e o 28 de maio.
*Noticia corrixida o 25/03/2010
