Capa de Ao vivo 5
A Axencia Galega das Industrias Culturais acaba de lanzar o quinto número de Ao vivo, correspondente ao mes de xaneiro de 2010. A revista da Rede Galega de Música ao Vivo dedícalle a Carlos Núñez a súa capa, e no interior fala do último traballo do gaiteiro ademais doutros músicos galegos que están a visitar Brasil. Batuko Tabanka, Nadadora ou Phantom Club son outros dos conxuntos que se tratan na publicación, que achega ademais as opinións sobre o directo de diferentes músicos e información sobre as novidades discográficas do país.
