Onte coñeceuse por fin o gañador do Premio Esquío de poesía en lingua galega. E o gañador é Cesáreo Sánchez, considerado unha das máis sólidas voces da poética galega. A súa obra, O retorno de Ulises, que se denominará finalmente O rumor do distante, pretende ser, segundo o autor, unha singradura na procura do ser.
Os poemas
Cesáreo Sánchez asegura que o poemario que obtivo o premio Esquío é froito dunha viaxe por Galicia e de longas horas de reflexión. Segundo el, o poemario está feito tanto das ausencias como das presencias, o que impregna a obra de saudade sen que o libro sexa desesperanzado.
A poesía
O gañador do Esquío considera que a poesía busca o fundamental do ser humano e loita contra a banalidade, e restitúe ó ser humano o seu centro de gravidade. Da viaxe que deu orixe ó libro, Cesáreo Sánchez concluiu que os galegos humanizamos moito a natureza ó traballarmos por ela.
