O proxecto Galauda é unha iniciativa que coordina as clases de galego que se imparten en diferentes institutos de ensino secundario de Cataluña e que contan con máis de 120 alumnos. Dentro desta iniciativa, no vindeiro Saló del Cómic de Barcelona preséntase, con posto propio, O catalizador, un fanzine que reúne traballos deses alumnos cos de estudantes galegos de catalán. Segundo explica Baranga "a idea é buscar conexións entre os rapaces cataláns e os galegos, e a BD é unha ferramenta estupenda para traballar con eles". O nome "xorde de xuntar Catalunya+Galiza, ao tempo quere transmitir esa idea de punto de encontro". Polo momento, a iniciativa ten intención de continuar, e material non lles falta. "temos xa historias como para tirar outro fanzine", completa o coordinador.
