O Consorcio Audiovisual de Galicia acaba de anunciar a convocatoria da sexta edición do seu catálogo de curtametraxes, Curtas 09. Esta iniciativa seleccionará tres proxectos (o cuarto é o gañador do Festival de curtametraxes de Cans) que, ademais de recibir 3.000 euros, farán parte do listado. O proxecto suporá a difusión nos festivais nacionais e internacionais nos que participa o Consorcio Audiovisual de Galicia, ademais de ser distribuído entre as diferentes institucións culturais, filmotecas, institucións e organismos nacionais e estranxeiros cos que o Consorcio mantén relacións de colaboración.
