O Sistema de Información Patrimonial que está a desenvolver o Consorcio de Santiago achegará información sobre cada unha das lousas do casco histórico da cidade. O proxecto pretende ademais reunir unha exhaustiva información histórica e documental que permita mesmo facer unha reconstrución virtual da zona que será accesible mediante Internet. Ademais das lousas, tamén se recollerán todos os elementos interiroes de monumentos, igrexas, pazos ou depósitos arqueolóxicos de interese. Agárdase que o sistema estea operativo para mediados de 2009.
