Ser tío é un exercicio divertido e transgresor fronte ao duro papel de ser pai. Así opina Pedro Ugarte na columna A descendencia, coa que acaba de gañar o premio de xornalismo Julio Camba que outorga anualmente Caixanova. Canda a este, o galardón para os artigos escritos en galego, o Fernández del Riego, foi para Manuel Rivas por A mesa cósmica de Piñeiro e o HAL de Kubrick quen lembrou o intelectual (e á súa sonada mesa camilla) no ano no que se lle dedica o Día das Letras Galegas. Ambos artigos foron publicados en El País e teñen unha dotación económica de 12.000 euros.
