O número 28 do Kalaikia, suplemento cultural do periódico A Peneira, vén cargado de novidades. Por unha banda, a cabeceira abre blog propio e mais grupo na rede social Facebook. Alén destes novos soportes, o suplemento dedícalle a capa a As serpes cegas primeira coedición de BD entre Galicia e Francia. Unha entrevista co cantante Juan Rivas, a exposición de Jean Dubuffet na Fundación Seoane, unha nova sección de crítica televisiva e axenda, entre outros contidos, completan a entrega.
