A obras de musealización dos restos arqueolóxicos que se conservaron no edificio da vicerreitoría de Lugo estarán rematadas a mediados deste ano. A conselleira de Cultura, Ánxela Bugallo, visitaba esta mañá o conxunto, no que o seu departamento investiu 1,6 millóns de euros. Segundo o proxecto, unha serie de plataformas elevadas permitirán contemplar o conxunto de restos conservados, con especial atención ao domus, ao templo de Mitra e máis á muralla.
