La Voz de Galicia lanza a historia da Coruña en banda deseñada

A Coruña. 800 años de historia é o título do novo coleccionable que lanza o vindeiro domingo La Voz de Galicia na súa edición da Coruña. Trátase dun repaso en forma de banda deseñada á historia da cidade, con Enrique Vázquez Pita encargándose do argumento e Norberto Fernández a facer o debuxo. En total serán doce entregas de dezaseis páxinas que incluirán pequenos artigos de contextualización histórica. O primeiro capítulo, que se agasalla este domingo co xornal, céntrase na historia de María Pita, e os seguintes centraranse en sucesivos momentos históricos coma as rebelións irmandiñas, a Guerra Civil, a emigración ou a victoria ligueira do Deportivo.