A USC estrea selo editorial

A Universidade de Santiago acaba de presentar USC Editora, o novo selo co que publicará traballos científicos no seo do Servizo de Publicacións. A firma quere introducir criterios de calidade na edición universitaria e contará cun grupo de editores de cinco áreas de coñecemento que se encargarán de revisar os orixinais. O novo selo lanzará tres liñas editoriais, Académica, Docencia e Ensaio. De cara ao futuro, Antonio Azaustre, responsable académico do Servizo, anunciou que pensan traballar na elaboración de libros de texto de español para estranxeiros e mais para Ensino Secundario.