O actual trazado do tren entre Ordes e Santiago converterase nunha senda verde

A chegada do AVE vai supor, entre moitas outras cousas, que vinte e cinco quilómetros de vía que transcorre polos municipios de Santiago, Ordes e Oroso van quedar en desuso. Por iso, o xestor de infraestruturas de Renfe, Adif, e os concellos afectados van convertelas en sendas verdes. Isto supón que se acondicionarán as vías e os terreos colindantes para ser recorridos por cicloturistas e camiñantes. Isto fai parte do programa Vías verdes que existe en España desde hai anos e que ten recibidos numerosos premios, entre eles, o de Boas Prácticas do Programa Hábitat da ONU.