Noite de BD galega en Porto

Porto poderá coñecer esta fin de semana o traballo da revista Retranca, e dos colectivos BD Banda e Polaqia. Unha exposición de publicacións e a visita de membros dalgúns destes proxectos achegará ao Alén Miño a BD galega. Será no local Maus Hábitos de man da asociación Audiência Zero, o vindeiro día 12 de xullo a partir das 10 da noite. Esta mostra enmárcase nunha noite galega na que tamén se proxectarán dous documentais de Víctor Coyote e haberá unha actuación do Dj Lagartija.