O Oceanus achega de xeito lúdico a importancia do mar na cultura e no lecer

O mar ten un compoñente cultural, económico e de lecer. Tres facetas que recolle “Oceanus 2008", o festival dos mares que se celebra na Coruña desde hoxe ata domingo. Para iso están programados obradoiros (“Aprende a comer peixe con Xan” ou “Amárrate ao mar”) ou cursos prácticos de vela, navegación e surf, xunto con proxeccións de cine e degustacións de produtos do mar. Ademais de oito exposicións en diferentes centros da cidade, Luar na Lubre ofrecerá un concerto no contorno da Torre de Hércules e a praza de María Pita acollerá unha demostración esculturas de xeo.