Unha banda deseñada de Xaquín Marín recrea a historia dos mártires de Carral

A coincidir co cabodano dos mártires de Carral, as emisoras municipais galegas están a desenvolver unha serie de actos de homenaxe. Entre as súas propostas está a publicación de 5000 exemplares dunha banda deseñada na que Xaquín Marín recrea, nunha soa páxina, o levantamento. A iniciativa comprende tamén unha emisión radiofónica o sábado 26 entre as doce da mañá e as dúas da tarde e que se poderá seguir na páxina radiofusion.eu.