“Filosofía e utopía” é o título da última edición da Semana Galega de Filosofía, un encontro de reflexión que organiza a Aula Castelao en Pontevedra. O evento comeza hoxe analizando a construción da utopía, o urbanismo e a ecoloxía. Por diante quedan catro días no que unhas quince personalidades reflexionarán sobre a necesidade da utopía ante “a insistente imposición dunha única verdade”.
