O modisto ourensán, Roberto Verino, cumpre 25 anos. Un aniversario que o deseñador está a celebrar cunha exposición retrospectiva que agora chega ata Nova York. A exposición “Roberto Verino-25 anos de moda” forma parte do programa de actividades da Semana da Moda que se celebra na cidade americana. Era o obxectivo que o deseñador perseguía desde hai un tempo, cando decidiu abandonar a pasarela Cibeles para concentrar os seus esforzos na proxección internacional.
