Kina Fernández (xoves, 16:00 horas) e Olga Ríos (venres, 21:15 horas) son as dúas representantes galegas na edición da Pasarela Cibeles que comezou onte en Madrid. Nesta edición, que ofrecerá as creacións que poñeremos no vindeiro outono-inverno, Olga Ríos presenta unha colección de peles plisadas e drapeadas con moito volume. Pola súa banda, Kina Fernández achegará superposicións de formas e liñas con cortes xeométricos onde o vermello e o negro son as cores predominantes.
