Chega ás librarías o segundo tomo de “Las nuevas aventuras de Esther” e a versión española de “Castaka”

Logo do impresionante éxito de vendas do primeiro volume, a editora Glénat presenta o segundo tomo da serie “Las nuevas aventuras de Esther”. De novo o galego Carlos Portela achega o guión a este coñecido personaxe de Purita Campos, dando respostas a algúns dos enigmas que propuña na primeira entrega. A coincidir con esta obra, chega ás nosas librarías a tradución de “Castaka”, o álbum no que Das Pastoras ilustra un guión do chileno Alejandro Jodorowsky dentro da celebérrima Saga dos Metabaróns.