Comeza a marcha atrás para a vindeira edición de ARCO (13-18 de febreiro), a feira de galerías máis importante do Estado. Despois do recorte inicial, tres galerías galegas estarán na listaxe expositiva: a viguesa Ad hoc fará parte do programa xeral, mentres que Bacelos e Trinta intégranse dentro de “ARCO40”, un espazo que reunirá a obra artística recente (creada nos últimos tres anos). Ante a proximidade da feira, as galerías comezan a adiantar os traballos que presentarán, o que pasa por amosar as súas liñas de traballo. Trinta presentará, entre outras novidades, o proxecto artístico “Esto no es pop” do catalán Carlos Pazos, mentres que Bacelos achegará as propostas de Victoria Diehl, a fotógrafa Laura Torrado e a artista portuguesa Catrina Campino.
Máis información en Galiciae, no web de ARCO e na nosa hemeroteca
