Comezan as xornadas de arquitectura do Consello da Cultura que reflexionan sobre Galicia

Primeiro foron as experiencias vascas, logo as catalanas seguidas das madrileñas ou andaluzas e agora chega o caso das galegas. A sección de arquitectura do Consello da Cultura Galega pretendía achegar como as construcións ofrecen un debate entre a paisaxe e a cidade e facíao da man dos principais arquitectos de cada un dos territorios. Por iso, hoxe e mañá nomes tan recoñecidos pola súa obra, proxectos e traxectoria como
Andrés Fernández-Albalat, César Portela, Manolo Gallego, Celestino García Braña, Xosé Manuel Casabella, Iago Seara, Fernando Blanco, Alberto Noguerol e Pilar Díez, Alfonso Penela ou Alfredo Freixedo pasarán polo salón de actos do Consello da Cultura Galega para analizar as relacións entre arquitectura e contorno a través do seu traballo.

Máis información no web do Consello da Cultura Galega e na nosa hemeroteca