Bolboreta é a historia da relación entre unha nena e o seu pai. A nena, unha princesa, e o pai, un rei, que a través dun personaxe nun principio aterrador, descóbrense o un ao outro. Unha historia que fala da superación dos medos, do respecto aos que son diferentes, da forza da amizade para cambiar o mundo, da rebeldía propia dos nenos e nenas, a través da relación paterno-filial. É unha proposta novidosa de títeres de mesa, con música en directo e unha espectacular escenografía móbil.
