A historia que coñecemos de Pontevedra podería verse modificada á luz dos achados arqueolóxicos que están a se descubrir nos últimos tempos na cidade do Lérez. Os restos dun cemiterio medieval e os cimentos da antigas torres arcebispais nas proximidades do Teatro Principal semellan refutar a idea de que nesta mesma zona puidese haber un castro. Pola súa banda, en Sabarís, están a apostar pola posta en valor dos petróglifos de Outeiro dos Lemiros, considerado o maior panel prehistórico do país. A polémica vén pola aposta dos responsables do proxecto por pintar os deseños cun composto biodegradable para os facer máis visibles.
Máis información sobre os restos de Pontevedra en La Voz de Galicia; sobre os petróglifos no Faro de Vigo
