CORREO
RSS
Noticias
O organista agochado reclama o seu lugar
Xénero: | 4 / 4 / 2022
Ata o momento Galicia carecía de representantes destacados na música de órgano durante a Idade Moderna.No entanto, en 2021 descubríase que Bartolomé Olagüe, un dos principais nomes deste período a nivel ibérico nacera en Santiago e desenvolvera a maior parte da súa carreira no mosteiro de Sobrado dos Monxes. O achado sitúa o noso país como un foco de interese internacional neste ámbito, e promete ser o comezo de toda unha serie de iniciativas de recuperación arredor desta figura.
O Festiletras fai corenta anos a celebrar en Ponteceso
Xénero: | 4 / 4 / 2022
A manter a súa celebración en setembro, onde se trasladou en 2020 pola pandemia, o Festiletras Da Fundación Eduardo Pondal adianta os contidos da súa vindeira edición, que será a do corenta aniversario, na aldea do Couto, Ponteceso. Este primeiro de abril a organización daba a coñecer os actos que se manteñen para celebrar o Día das Letras Galegas, data que motivou a creación deste evento, co título de O dezasete.
Os composteláns Radio Zapa! presentan 'Demasiado'
Xénero: | 30 / 3 / 2022
Desde 2015 Martín Zapata (Ruxe-Ruxe, La Maldita Blues Band, The Fabulous Resaca Brothers), Fran Facal (Dr. Gringo, Bakin Blues Band) e Jacobo García (Sinestesia, Néboa) veñen traballando como Radio Zapa!. O trío ofrece un rock potente e denso, transitando por sons que van desde a psicodelia dos anos 70 á escena stoner actual pero no que aparecen moitas fontes que podemos relacionar con case todas esas bandas polas que pasaron ou aínda están os tres músicos, tamén no caso das letras combativas e con crítica social.
De lugares e órganos volta á primavera na súa VII Edición
Xénero: | 29 / 3 / 2022
Entre o 8 e o 17 de abril vindeiros Santiago de Compostela acollerá os oito concertos que compoñen o programa do ciclo De lugares e órganos. O programa volta á primavera, a coincidir coa Semana Santa, logo de dúas xeiras a se celebrar en setembro por mor da pandemia de Covid-19.
A Deputación da Coruña promove residencias creativas no Pazo de Mariñán
Xénero: | 29 / 3 / 2022
Catro grupos ou bandas de calquera estilo musical e lingua principal en galego estrearán as novas Residencias Artísticas Mariñán. A Deputación da Coruña presentaba este 28 de abril este proxecto que recupera para a creación artística este espazo e que terá continuidade coa vindeira convocatoria doutra serie de residencias dedicadas ás letras e ao pensamento.
Patricia Hermida recibe o premio á excelencia nos Iberian festival Awards
Xénero: | 28 / 3 / 2022
Patricia Hermida, da empresa Dotbeat, representante de bandas como Agoraphobia, Heredeiros da Cruz ou Terbutalina; organizadora de eventos coma O Son dos Arrieiros na Estrada, Cabos Soltos en Pontevedra ou as Paisaxes sonoras no Barbanza recolleu en Lisboa o Premio á Excelencia desta edición dos Iberian festival Awards. Os galardóns recoñecen o traballo feito no sector dos festivais musicais na península no pasado ano. O premio outorgado a Hermida decídese por designación directa, consulta de asociados e consulta do xurado directamente, con el faise un recoñecemento "dunha personalidade cuxo papel, visión e enerxía en nome da industria dos festivais de música é dinámica, creativa, integradora e positiva", segundo recollen as bases. A persoa elixida dáse a coñecer directamente durante a gala.
A Fundación Curros Enríquez outórgalle a Luz Casal o Premio Casa dos Poetas
Xénero: | 28 / 3 / 2022
A Fundación Curros Enríquez outorgáballe este sábado 26 de marzo o XXXVIII Premio Celanova, Casa dos Poetas a Luz Casal. O xurado do galardón, presidido por Antonio Puga Rodríguez, destaca no seu fallo que a "longa traxectoria musical" da intérprete "que a ten convertido nunha das voces femininas de maior prestixio internacional da música española".
Alén da Rianxeira: A vila das cancións
Xénero: | 25 / 3 / 2022
Historias de cancións que son tamén a historia dunha vila. O Cancioneiro escolar urxente de Rianxo publica este mes de marzo na rede o seu segundo volume. Para alén de rescatar as curiosas conexións que posúen melodías populares con feitos históricos locais, o proxecto pon de relevo o papel fundamental da escola na transmisión do noso patrimonio sonoro.
Música e arquitectura únense en Santiago co ciclo 'Onde a música habita'
Xénero: | 25 / 3 / 2022
Pór en valor a arquitectura notable da cidade de Santiago de Compostela como marco de accións culturais, neste caso musicais, é o obxectivo do ciclo "Onde a Música Habita", organizado polo Concello e a delegación de Santiago do Colexio de Arquitectos de Galicia (COAG Santiago). Serán en total catro concertos ao longo do ano que achegarán a música a espazos arquitectónicos referentes na cidade pero dos que moita cidadanía descoñece a súa relevancia arquitectónica, a pesares de ser edificios coñecidos e utilizados. Cada concerto será introducido polo actor Quico Cadaval, que contará aos asistentes a historia de cada localización e en cada concerto a música porase ao servizo da arquitectura, adaptando cada proposta musical ás características do espazo.
Novedades Carminha pisan o freo
Xénero: | 21 / 3 / 2022
"Decidimos que precisamos un descanso e por iso imos parar indefinidamente", así comunicaba hoxe o grupo Novedades Carminha a súa intención hoxe a través das redes sociais. A interrupción desta "etapa" de actividade non incluirá concertos nin xiras de despedida, segundo a banda " nin intentaremos sacarvos a pasta cun disco en directo ou un recopilatorio", din aos seguidores. O grupo desexa que este afastamento implique unha recarga de forzas que incite a botar de menos a actividade e "vernos de novo", indica sobre o futuro, "e se non, aí quedan os nosos discos", din referíndose aos 5 álbums que foron publicando nos seus 14 anos de carreira musical. Xustamente co seu derradeiro traballo 'Ultraligero' (Ernie Recordos, 2019), a banda acadaba nos Premios MIN 2020, da música independentes estatal, o éxito absoluto no panorama musical dese ano, coroada con tres a Mellor Álbum Pop do ano, Mellor Artista e tamén ao do Mellor Directo nacional. Os Novedades Carminha estiveron presentes en festivais e deron concertos por España, EE.UU. e México ante milleiros de persoas.