Debuxante e ilustrador cunha ampla actividade desde mediados dos anos noventa, cando promoveu numerosísimos fanzines como "Ovo", "Costra de Postre", "Os rústicos da guadaña", "Craneografía" e "Craneofilia". Participou nas dúas etapas da revista "Golfiño" realizando a serie "A fraga Milmañas" con guións de Carlos Amil. Traballos seus viron a luz en cabeceiras colectivas como "BD Banda", "Barsowia" e "Subterfuge". Ex presidente da Asociación Galega de Profesionais da Ilustración (AGPI), liderou a súa práctica refundación en 2003. Na mesma época foi o principal promotor con Kike Benlloch do Colectivo Chapapote, resposta ao desastre do Prestige coa participación de ducias de ilustradores. Ademais dunha longa experiencia en cartelismo e publicidade, é o responsable do storyboard de diversos filmes ("O lapis do carpinteiro") e curtametraxes ("A ti como se che di adeus").
Cráneo Mortem
Planeta Mincha

Palmarés
Gañador de diversos premios de Ourense, tamén foi galardoado en Granada por unha recreación en BD da vida de Federico García Lorca. 1993: Recibiu un accésit no III Certame Ourense de BD por "O párroco de Algures". 1994: Concedéuselle un accésit por "Rosario", no IV Certame Ourense de BD. 1995: Mereceu un accésit no XI Concurso Galego de BD por "Muller na estrada". 1996: Pola historia "Centro Psiquiátrico Xudas Iscariote" foille concedido o 4º premio no XII Concurso Galego de BD. 1997: Recibiu o 3º premio no XIII Concurso Galego de BD. 1999: Co cómic "Tío Toné" levou o sexto premio do XV concurso galego de banda deseñada Xuventude. 2002: Foi seu o 4º premio do III Certame Galego de Imaxe Artística (categoría A, 23-30 anos), pola historia "Miña lúa". 2003: Con "Un branco moi negro" levou o 4º premio do IV Certame de Imaxe Artística 2003 (categoría A).

Formación específica
Estudo na Escola de Arte Pablo Picasso da Coruña.

---

---

---

  Noticias relacionadas