Christian Villamide (Lugo, 1966), mostra nesta ocasión novos traballos con diferentes presentacións: fotografía, gravado, pintura, escultura...
Vacío y Plenitud (Baleiro e Plenitude) exprime a relación entre o ser humano e a súa contorna, os seus interrogantes nun tempo de transformacións ao galope onde o enriquecemento que lle aportan novas ideas e avances tecnolóxicos contrasta co primitivismo, egoísmo e materialismo que permanecen nel. As obras transmiten un continuo desafío entre o mundo natural e o artificial, entre o puro e o contaminado, levándonos a reflexionar sobre a supervivencia da natureza víctima de sobreexplotación, vulnerable e poderosa ao mesmo tempo, mais elemento determinante. Preténdese indagar ademáis de crear, establecendo, a nivel social e íntimo co espectador, unha comunicación na que latexa certa herdanza do conceptualismo.
Fonte: Galería Clérigos